" مبعثرات " << موضوع تفاعلي

 

السلام عليكم جميعاً، وأسعد الله أوقاتكم بكل خير ..
هنا سماء ..
تتسع لـ " فضفضاتكم اليومية " و " قصائدكم الغير مكتملة " و " أبياتكم اليتيمة "

حياكم الله .. وأرجوا الالتزام بـ قوانين القسم .. !

بـ الإضافة إلى :

- عدم النشر المتتالي .. وإعطاء الفرصة للآخرين .. " أقل شيء خل أحد يرد بعدك همين رد .. مافيه شيء بيطير "
- المبتدئين .. واللي يحبون يفضفضون ويطورون أنفسهم حياكم الله هنآ :
محاولات مبعثرة .. !


شكراً لكم، وأوقات ممتعة

 

أوووولي ههههههههههههه
ما اكتملت .. !!!
ولها وقت .. متروكه .. !!!


الكلام المهذب يبتدي في سلاسه ..
والأكيد إنتهائه دائماً في هدوء ..

مبتدأ الحرف هم وحط راسي براسه ..
والخبر .. وقت خلا حال وصلك يسوء ..

كيف ابوصف شعوري .. وانت للقلب ناسه ؟
والحروف الحزينه .. عنك .. فيني تنوء ..

تنوي البعد .. وتبعد .. والغلا من اساسه ..
لو مـ التفاهم ترا ما ظنتي له نشوء ..

استبد الفراق إحساس عشقي .. وداسه ..
مـ أنت خايف عليك بـ إثم دمعي تبوء ؟ ..

سايستك العواطف وفشلت هالسياسه ..
مـ استجبت لنداء صدر(ن) طلبك اللجوء ..

 

انا الغريب اللي ما يستاهل الحب
وكنت القريب الي له الحب كله !

كنت الكبير الي دمحت له الذنب
و صرت الحقير الخاين بعين خله

ضيعت في لحظة غبا واضح الدرب
واعوجت رجولي و طحت بمذّله

 

 

,


لاتزيد الكلافه , والعتب !
........ يكفي ان الطعون مسيّره
خذ غيابي وخذ منّه سبب :
........ والله ان النفوس مذيّره !
آونس الخاطر وضاق وكتب
........ منصدم لعنبو من حيّره !
من رصيدي عطيت ولآحسب
........ شيك يمناي انا اللي جيّره
مير عدتّ على طيب وشبب
........ والمراجل ماهيّ بمخيّره !
صدتي عنك ماني منسحب
........ خابر الزاد .. واللي غيّره
هقوتي فيك من قبل النشب
........ كيف تكبر وهيّ صغيّره ؟
صرت مثل الحثاله والصلب
........ لو تطاول بتبقى قصيّره
دام ترجي جحا قول الطلب
........ يمكن انّه يسوق حميّره
شبّ نارك وزيد من الحطب
........ والله ان النفوس مذيّره

 

كل يوم أبكي خضوع .. لـ خالق النفس الوسيعة ..
ربي ضاقت في فياض الصدر غيمه ممطره ..

طالبك يارب عفوك .. وإكفني مر الفجيعه ..
وإسقني من رحمتك .. غيثـ(ن) يهل المغفره ..

إيه هين يالحياة .. ودام لي ربـ(ن) أطيعه ..
بـ أنحني له بـ إرتياح وفي سجودي بـ أشكره .. !!

 

بيت يتيم جداً :


لليوم أواسي صدر الأحلام و أقول :
و شلون في عزّ الوصال نتفارق ؟!

 

محمد العآرضي .. أبو سآرة .. سلمآن البلوي .. صحت ألسنتكم جميع ..!!
أطربتوني شعرآ والله .. ولآ تبخلوآ علي .. وآصلوآ ربي يسعدكم ..!!


مو / مشكلة .. لو أصبح الهم ؟ .. شآطر !
.................... المشكلة ؟ .. لو هي .. دموعك لهآ .. أسْر
ومو مشكلة لآ صرت ؟ .. [ مكسور خآطر ]
.................... المشكلة .. [ وين الذَّي ؟ ] .. يجبر الكسْر !

 

..

صح كلك يا عبادي .. وما عليك زود ماشاء الله .. !

قلبي من الهم .. عقبك .. قاريـ(ن) ورده ..
رحابة الصدر .. سُحبك .. ما توخرها ..

حطيت عند الأمل لـ مسامحك .. ورده ..
ما ضقت ..
بس الأمل بك مات .. وخرها .. !!!

..

 

 

لا تزعلين إن كان زعلتك بـ شيء ..
أنا غروري ما يسامح غرورك ..

منك الخطأ يا آنسه ما هو شوي ..
وبـ دفتر التجريح .. مكتوب ( دورك ) .. !

 

 

بآك

شكراً على الموضوع أبو ساره ..

وصحت ألسنتكم جميعاً ,,, ويارب أضع بصمه مع شعراء كبار مثل الاسامي اللي قريت من شوي....


الوقت ظالم والليالي عنيده
والحظ واقف والجروح ذبحنّي

لو قلت أبشرح حالتي في قصيده
يعني كذا ياقلب منت متهني

 

عامين تاخذ من عروقي عشان تعيش ..
الدم دمك .. كثر الله .. خيري .. !

مابيك تعطي ..
بس أبي اسألك : ليش ؟
عمر(ن) زرعته فيك .. يقطفه غيري ؟


اليمامه ..
الشكر لكم .. !

 

أشتـاق له شوق الشجر للمسايل
وأحيــر كّني بالمدافع مطوّق!


ماأدري مداهيله من أيّت قبايل
والقلب من سم المفارق تذوّق!