منتديات - منتدى - خفوق الروح
العاب طبخ العاب تنظيف البشرة والجسم العاب بنات طيور الجنة
العاب فلاش العاب مكياج العاب قص شعر العاب تلبيس




العودة   منتديات خفوق الروح > منتديات خفوق العامه > الركن الهادئ

الركن الهادئ مساحات حره وخاصه !



Like Tree1927معجبون

إضافة رد
 
LinkBack أدوات الموضوع انواع عرض الموضوع
قديم 28-02-2014   #586
Amina Saleh
مشرفة الركن الهادئ

الصورة الرمزية Amina Saleh

 تاريخ التسجيل : Jun 2009
 المكان : الظهران
 الجنس : انثى
 المشاركات : 7,049
 السمعه : 4829

Amina Saleh غير متصل

 

افتراضي رد: خلِ الذي غير حَنانك عَلينا يعطيك ربع مَ عطِينا N

 



رجع الصيف ؟ : ( استغفر الله باقي ماتهنيت بالشتاء مالبست كوكش ملابس كثيره
- الرمزيات بتتغير 24 ساعه : $ . زاغ قلبي يوم حطيت البيتزا بعدين شفت ايس كريم
المهم انا صار لي فتره مارحت مجمع ولا حتى مطعم الا ذاك الرد اللي فوق * البحرين *

اليوم كنا بنروح نتغدى بالراشد قلت ياسلالالام بطلع من البيت
ويصير شي توفى عم أمي الله يرحمه ويغفر له .

وتغدينا ف البيت وكل جمعه لازم يكون سمك للحين ماعرف ايش السّر؟
سمك بيوم الجمعه شي اساسي عندنا واقاربنا كلنا زي بعض

طلعه من المراات القديمه
هذا الشي انا أحببه طحت ف غرامه بس فدركرز أفضل منه



باستا تشيبوتي بالدجاج
على كثر ما أطبها! اخر مره انسدت نفسي منها ماقدر ابلعها



جاتني فتره 24 ساعه اكل
قلت ل امي احس فيني دود ياكل الي اكله والله شي مب طبيعي
اول ما اصحى اقعد ساعتين بدون اكل بس اشرب مويه كاس واحد
واحيانا نص الا اذا كنت عطشاانه اشرب تنكر ماي
واذا هه ميته من الجوع؟ اخلي روز تسوي بطاطس مقلي والصوص
بس اذا مالي نفس ف اسوي بنفسي مرا اندومي مرا تونه بالمايونيز ومرا بيض مسلوق
قبل تجينا روز كان طبق البيض يقعد بالاسابيع
بس مع روز ب 4 او 5 ايام يخلص ماشاء الله صرنا نفطر و احيانا نتعشى
واحيانا لبنه ومرتديلا احشيهم بالكرواسون واهبدهم
احيانا اقعد اهف طول النهار واختمها بالعشا بيض وشكشوكه ومعجنات وكيك

اليوم الفجر شفت طريقه حلقات البصل
انا احب هالشيّ وطريقته سهله بس ايش المُشكله؟ تعيجزت اسويه
احاول اتذكر اي مطعم يسويه بس ناسيه

وبس هذا اللي عندي لليوم

    رد مع اقتباس
قديم 28-02-2014   #587
Amina Saleh
مشرفة الركن الهادئ

الصورة الرمزية Amina Saleh

 تاريخ التسجيل : Jun 2009
 المكان : الظهران
 الجنس : انثى
 المشاركات : 7,049
 السمعه : 4829

Amina Saleh غير متصل

 

افتراضي رد: خلِ الذي غير حَنانك عَلينا يعطيك ربع مَ عطِينا N

 







أشرقت عيناه سحرآ
مثلما يشرق الصُبح بيوم مشمس!
- ياحبيبي كلما هب الهوى #فيروز



. . .

    رد مع اقتباس
قديم 06-03-2014   #588
Amina Saleh
مشرفة الركن الهادئ

الصورة الرمزية Amina Saleh

 تاريخ التسجيل : Jun 2009
 المكان : الظهران
 الجنس : انثى
 المشاركات : 7,049
 السمعه : 4829

Amina Saleh غير متصل

 

افتراضي رد: خلِ الذي غير حَنانك عَلينا يعطيك ربع مَ عطِينا N

 



مخي مزدحم جدا
قررت أشتري عدسه زوم 75-300 حلو؟ دخلت اليوتيوب اشوف نتايجها
لان بالفتره الاخيره صرت اصور غيوم وطيور تطير بالسما والزوم اللي عندي قليل
و انا اتصفح طلعت لي عدسات ااشكال وانواع ومن ضمنها 50 مم !
دخلت على واحد ويشرحها ونتايجها تجنن انا بصراحه استخفيت عليها
قلت ل أمي شوفي هالمره راتبك لي < طالعتني بنظره وش تبين؟
قلت يمااه ابي هالعدسه واوريها شكلها قلت شوفي بعد صغنونه
قالت والمطلوب قلت فلوس
قالت يصير خير

مرت الايام وانا يوميا ادخل يوتيوب واتفرج عليها
سعرها شفته بموقع 375 ريال . كنت احسب بكل مكان!
المُهم عاد انا من فتره يعني ماطلعت مع احد
استلمت أمي وأبوي وعطوني مصروفي واتفقنا نطلع جميع نروح نتغدى بالراشد
كل يوم يجي يوم يقولون بكرا لين قلو الاشخاص قالو مب رايحين
حلفت الا اطلع بس عشان هالعدسه اشتريها
اتفقت مع دانه وبنات خالي وضوح و ميمي رحنا اول شي شريت العدسه اخيراا
و بعدين شبرنا المجمع لين طاحت رجولنا وجعنا ودخلنا الف ليله وليله

اول افتتاحيه للعدسه بالمطعم




انا مثل البزران هذا الطبق الرئيسي بكل مطعم






فاصل الجلسات رايئه بس صجنا بهالموسيقى
وزياده راسي مصدع







ايواان واحنا تونا بناكل
الا سمعنا صرخه فكرناها بنت واحد متحرش فيها!!
وبنت خالي ميمي قامت قالت شصاير
ردت عليها وحده وقالت . هذا واحد من الشباب دخل وصرخ
حسبي على بليسه روعنا

و بعدين هبدنا وجينا بنركب الاصانصير حسيت بخوف وربي !
يازعم من زمان ماركبت اصانصير يوم جميل معاهم

خن اوريكم اليوم الصبح قاعده اصور اختي
وصورت شويه احترااف







وش رايكم ؟

    رد مع اقتباس
قديم 08-03-2014   #589
Amina Saleh
مشرفة الركن الهادئ

الصورة الرمزية Amina Saleh

 تاريخ التسجيل : Jun 2009
 المكان : الظهران
 الجنس : انثى
 المشاركات : 7,049
 السمعه : 4829

Amina Saleh غير متصل

 

افتراضي رد: خلِ الذي غير حَنانك عَلينا يعطيك ربع مَ عطِينا N

 



صباح الخير أصحابي ابي اشاوركم ب شي مسبب لي أزمه
انا ابي اشتري جهاز لاب توب , وابي حاقه ما حصلتش يعني يطول مثل اللي عندي
ماشاء الله بيكمل ال 7 سنوات هالفتره قسم بالله بس يعلق علي وانا اشتغل للجامعه
تخنقني العبره بالذات لاصار عندي اختبار فصلي مراا دخلت الاختبار بحل!
الا تجيني الشاشه البنفسجيه يعني سكري المتصفح وفتحيه ثانيه مره
والاختبار له 3 محاولات والوقت 30 دقيقه لكل محاوله مدري كم الزبده يقهر (فيس يبكي بحراره)

اخترت شركتين وكل وحده تقول الزين عندي
محتاره بينهم للحين اشوف الفروق بس ناس تذم وناس تقول لا ولا وحده فيهم

اول شي وقع حبي ف : فايو ونزلو نظام جديد وقلت اخذ شي جديد افضل وتقنيه جميله
الشاشه لمس وتتقلب وتصير ايباد بنفس الوقت وهذا شكله .
وحتى النظام حلو ودامه ويندوز متعوده عليه ,



لكن الثاني! "ابل"
الكل يمدحه وعشان شكله والى اخره!
طيب انا ابي المضمون؟
الشي الحلو فيه محمي من الفيروسات على طول



محتاره بينهم حيل
ياخي يقولون صعب وان الكيبورد ماعليها حروف عربيه؟
طيب عادي وين المشكله بالحروف دام اني اكتب وانا ما اشوف الكيبورد
خلاص عشرة عمر مع الكيبورد حافظه الاماكن ماشاء الله
والبعض يقول الجافا لازم اركبه وهذا مهم بالجامعه
اللي عنده من هالأجهزه او قرايبه يعطيني معلومات عنهم اكثر أرقوكم .

3ℓσσѕнα, ميَعادْ ♪', لــين و3 وغيرهم اعجبتهم مشاركتك.
    رد مع اقتباس
قديم 11-03-2014   #590
Amina Saleh
مشرفة الركن الهادئ

الصورة الرمزية Amina Saleh

 تاريخ التسجيل : Jun 2009
 المكان : الظهران
 الجنس : انثى
 المشاركات : 7,049
 السمعه : 4829

Amina Saleh غير متصل

 

افتراضي رد: خلِ الذي غير حَنانك عَلينا يعطيك ربع مَ عطِينا N

 




معععععععععليش ماتفقنا كذا
يعني صدق اني بغير جهازي بس مو لهالسرعه توصل فيه المواصيل!
ويعفسني عفاس! اصبر ياخي توني ماقررت النوع اللي ابيه

اايوآ صااح نسيت الهذاا اسلم - السلام عليكم
والله طلعني من طوري (اللاب توب)
صدق قليل خاتمه
صار مايحفظ لي صور ولا محاضراتي ويقول الذاكرة ممتلئه ليه ياخي ليه ؟
حتى صور الكام مش راضي يخليها تفتح لي قهر
اضطريت احذف المحاضرات المحمله واحمل الجدد


يوم السبت جاو عندي صديقاتي شوق و نوره !
يااخي كنت شايله هم! تدرون شنو؟ يمكن يكون سخيف بالنسبه لكم
المرتين الاولى نوره جاتني مع اهلها وكانت امي موجود وخواتي
واهما اللي قايمين بالضيافه وانا رجل ع رجل وسوالف مع نوره
هالمره لحالنا و الله العظيم ش قد انا مدري شلون < مابي اسب نفسي
المُهم ان كنت مسويه من الف الى ياء بس ابوي استعجل بالعشا وجابه بعد صلاة العشا
واذا خليته فتره بيصير مو حلو !
قلت خل احطه ونزط والحلا والقهوه والمكسرات والمعجنات بعدين
^ انتكاسه وبقوه

المهم عقب العشا مافينا حيل نتحرك
وربي كاننا عجايز كل وحده تبي تنسدح , شغلنا رابح ونرقص ونصور
والساعه 9 حاولت اوكلهم حلا و معجنات بالغصب ياكلون
غلطت هالمره! بس المره الجايه بيكون ترتيب مسبق
اهم شي انبسطو عندي وماطلعو الا الساعه 11 بالليل

^ اختصرت مو؟
صراحه مالي خلق اكتب ب سبب الجهاز قاهرني







3ℓσσѕнα, ميَعادْ ♪', لــين و4 وغيرهم اعجبتهم مشاركتك.
    رد مع اقتباس
قديم 13-03-2014   #591
Amina Saleh
مشرفة الركن الهادئ

الصورة الرمزية Amina Saleh

 تاريخ التسجيل : Jun 2009
 المكان : الظهران
 الجنس : انثى
 المشاركات : 7,049
 السمعه : 4829

Amina Saleh غير متصل

 

افتراضي رد: خلِ الذي غير حَنانك عَلينا يعطيك ربع مَ عطِينا N

 




صباح الخير
بما ان اليوم الخميس اتمنى لكم ويكند سعيد
و هنا صفحتي بالإسك زوروني : ارعص هنا .
^ انا كتبت هالرد وطلعت من البيت على ان بس هالسطرين

توني جايه من برا طلعت مع ابوي رحت للبقاله والمطعم
ياخي شفت ناس كنت اشوفهم العام كل صُبح
من جد الحياه حلوه حنيت للماضي!
خلاص قررت ادور لي مكان ادرس فيه الصبح
يلا قود باي

.

    رد مع اقتباس
قديم منذ 3 أسابيع   #592
Amina Saleh
مشرفة الركن الهادئ

الصورة الرمزية Amina Saleh

 تاريخ التسجيل : Jun 2009
 المكان : الظهران
 الجنس : انثى
 المشاركات : 7,049
 السمعه : 4829

Amina Saleh غير متصل

 

افتراضي رد: خلِ الذي غير حَنانك عَلينا يعطيك ربع مَ عطِينا N

 


السلام عليكم .. مادري شكتب
امس طلعت للكورنيش قلنا نبي نمشي لمدة ساعه ونرجع البيت
و طلعنا الساعه 4 و زحمة عند الاشارة خط الخبر و الظهران ف الحمد لله وصلنا ب سلام الكورنيش
ولد اختي عزوز زهق امه! كل ماشاف وحده باسطة بالأرض الا يبي يشتري لعبه
ف اختي اذا شافت ولدها كذا تقول لازم ترجع البيت حالا بالا >> واحننا اللي ناكلها
فيه اتفاق قبل ننزل من السياره ان ساعه بس وبعد هالساعه الكل يكون متواجد ف السياره !



اذن المغرب و لأول مره اهلي يكونون قد كلامهم دقت علينا اختي ام زياد وقالت انا بالسياره
قلنا اوك جااين و من كذبها تصادفنا معاها هي تمشي قدامنا واحنا وراها والوضع يضحك! تسحب ولدها تسحيب وهو يصارخ يصيح
وكل ما اقرب ل مكان السياره اقول اشوه وصلنا! تعبت وانا امشي وكل مانقرب ل سياره تطلع مب حقتنا :/

رجعنا البيت قلنا بنطلب عشى معجنات نجرب : رغيف و زيت مدري زعتر
ادق عليه ما يرد ف قلت اطلب لهم من الممتاز وخلاص
ميته ابي اجربه :/ عاد قلت لهم اليوم وانتو جاين من الراشد جيبو لنا منه ..

3ℓσσѕнα, ميَعادْ ♪', لــين و4 وغيرهم اعجبتهم مشاركتك.
    رد مع اقتباس
قديم منذ 2 أسابيع   #593
Amina Saleh
مشرفة الركن الهادئ

الصورة الرمزية Amina Saleh

 تاريخ التسجيل : Jun 2009
 المكان : الظهران
 الجنس : انثى
 المشاركات : 7,049
 السمعه : 4829

Amina Saleh غير متصل

 

افتراضي رد: خلِ الذي غير حَنانك عَلينا يعطيك ربع مَ عطِينا N

 

(سالفه طويله)









هلا ب اخوياي < معليش زايدة نسبة العرابجه
برجع شوي ل ورى حابه اتكلم عن ماضي حقي ماذكر اذا كتبت لكم من قبل؟ مافيني ارجع لصفحاتي
يوم اني كنت بثالث متوسط بدايه السنه وأول اسبوع شي طبيعي حكومه من اول اسبوع يكون فيه دراسه وان كان من اول يوم بعد
نظام متعودين عليه بس تصير اشياء وقحه؟ أصبرو شوي << مقهوره ل يومكم ذا

البعض يعطينا طلباته وبعضه لا , ف قلت مرة وحده نهاية الاسبوع اشتري كل شي
طبعا هذا مو كسل مني ولا عجز بس هذا اوامر الوالد ان يبي الشي مره وحده مو كل شوي نروح مكاتب عشان غرض واحد!

مر اليوم الاول و الثاني بعد الفسحه مباشرة حصل شي ماعمري توقعته
دخلت الزفته المعلمه وقالت طلعو اغراضكم قمت انا بكل ذوق ووقفت
وقلت يازفته (معليش من القهر الي فيني , ماتستاهل تكون معلمه) نسيت الدفتر .
قالت ب صراخ : بسم الله تونا ف بداية السنه اهمااااال ي امينه

الفصل كبير وعدد طالبات فوق 50 طالبه وهدوء الفصل والكل يناظر فيني !
وصراخ الزفته يخوف ..
حتى ذاك الوقت كنت مسالمه وطيبه مع الكل واحترم المعلمات وشاطره
وربي ما ارفع صوتي على احد بس هذي مادري شلون تجرأت بهالوقاحه تكلمني
رجعت البيت منهارة أبكي وربي ارجف صرت اخاف منها واخاف من المدرسه واخاف حتى من البنات
يمكن ردة فعل هذي للحين مافهمت نفس
بس الصدق كرهتها وكرهت كل بنت كانت بالصف معاي .. داومت اليوم الثالث بس داخلي خوف وربكه وجبت الدفتر لها من الخوف
خفت انقص بهالمادة وخفت ان تحطني براسها

وماعلمت اهلي كنت ابكي لحالي بالغرفه لاجيت ارتب جدولي
باليوم الرابع اهلي كشفوني كنت ارتب جدولي وطبت علي اختي قالت شفيج
وانا متربعه احاول اتكلم اقول لها بالضبط اللي صار والحروف بالموت تطلع اشهق وانا ابكي
جاتني امي بالغرفه وتطبطب علي وتتحسب على المعلمه

اليوم الخامس اخر يوم بالاسبوع الاول من بداية السنه
الحصه الثانيه او الاولى ماذكر بالضبط دخلت علينا معلمة الدين
وش قد هالانسانه احبها ف الله مشرفة اجتماعيه ومعلمة دين بنفس الوقت

المدرسه جديده ناقلين بنات الربوه من الدانه .
يعني الي ساكنين بالربوه تكون لهم خاصه فيهم والعكس

خن اكمل .. عاد اهي توها بتبدأ تشرح حسيت نفسي بختنق من هالمكان
لازم اطلع قمت من الكرسي وأستأذنت بالخروج قالت لي لأء ... لكن انا ؟
طلعت بدون لاهتم ب رأيها !!!!!!!!!!!!!!
وطلعت ركض للمراقبه الدور الثاني قلت لها كلمي اهلي ابي اطلع من المدرسه
قالت : تونا بدايه الدوام قلت لها : تكفين ماقدر اقعد واتصلت ووصل الوالد
المراقبه : يلا جيبي اغراضك قلت : لا انتي روحي جيبيهم المراقبه : مايصير لازم انتي
و دخلت الفصل وناظرت بعيون المعلمه وناظرتني قالت وش فيك؟
وماعطيتها بال همي اطلع من المدرسه , عاد عيوني مفقعه من البكي
رفعت عباتي وقبل امسك شنطتي سألتني وحده " الله يذكرها بالخبر اسمها اروى : وش فيك ؟ قلت ولا شي .. وطلعت
وانهرت بالسياره قلت تطلعني من الحكومه وتوديني خاصه ورفض
رجعت البيت وانتظرت ل حد ماوصلت امي من دوامها وقلت لها حكومه ماني قاعده فيها وابكي بقوه كان احد مسطرني .. و صبرت امي اسبوع ثاني كامل يمكن يتغير كلامي بس ماش ماتغير شي
كلمت المدرسه وشكت لهم الي صار لي .. وجات معلمة الدين ل بيتي تبي تسمع مني كل شي صار لي! بس رفضت اطلع لها ... غبببيه ليتني قابلتها

شافتني امي مامني فايده؟
راحت تدور لي مدارس خاصه و سجلتني
و داومت اول يوم لحالي
ماقدرت اقعد بس رن جرس الحصه الاولى ودخلت المعلمه ! انهرت ماقدر اسمع شي
ولا انسجم مع احد
قلت الحين تتصلون باهلي يجون ياخذوني
و اتصلوو وجاو خذوني .. وصرت اتغيب
امي انهارت كل يوم تبكي معاي لين 3 اسابيع الي داومتهم بالحماد وبعدين ..؟
اول يوم لحالي والباقي سحبت عليهم
ثاني اسبوع 3 ايام بالاسبوع مرتين اختي الكبيره تدخل الفصل معاي
و مره وحده امي

و الاسبوع الثالث بكل قواة عين رحت رحله مع الطالبات
كانو 12 بنت وانا 13 الزبده البنات طيبين ويحاولون يهدون من روعي
ويسولفون معاي
اردنيه اسمها دينا و فلسطينيه نسيت اسمها ومصريه اسمها سمر
صراححه ندمانه لأني فرطت فيهم وأول مره اصرح بهالشي اني ندمت
و بعدين قلت خلاص مابي ادرس طلعوني انا تعبت
وابكي وكانو اهلي يغروني ب اشياء وانا ارفض عشان ما اداوم
ووصلت اني اقول لهم ابغى منازل وكل يوم ف الصباح نفس الموال ابكي واصرخ
خلاص ثالث متوسط سحبت ملفي قعدت بالبيت

صار روتيني سهر وانترنت وطلعات ونسيت لغتي الانجليزيه بدال ما اطورها سحبت عليها
كل هذا بسبب خوفي و كرهي للدراسه ..

بس بدأ علاجي ف هالسنه اللي قعدت فيها بالبيت
علاج طبعي مشايخ وتوابعهم والحمد لله مشى وضعي ورحت ل طبيبه نفسيه
كانت تسألني اشياء انصدمت منها ماتوقعتها ابدا ولا جبتها ف بالي
من ضمنهم : تشربين دخان ؟

المُهم مرت سنه و العين يعشقها السّهر
^ يااويل اللي بيلحن


عدت ثالث متوسط وما اكذب عليكم
اداوم يوم او نص يوم !!!! و اسحب 29 يوم و وقت الاختبارات الشهريه
بالموت اروح الا وامي معاي ويعطوني الاجوبه كاش
و النهائيه بعد اختي تنتظرني برا القاعه خلصت السنه ونجحت بعد

وانطلقت الى اول ثانوي وراح الخوف والهلع
وصرت سليطة لسان و ما اخلي احد يتعدى علي واضحك وانكت مع الكل
وصارت عندي شلة ومايستغنون عني وليومكم هذا احمد الله على اللي صار لي
و صار ماعندي طموح كل همي اخلص دراستي واقعد بالبيت ارتاح
صدق ان بعض الاحيان اتذكر الي صار لي وانقهر منها الزفته
بس ان شاء الله الي صار لي تشوفه ف بناتها وتتعذب مثل ما امي تعذبت فيني

^ 2010 - 2011

-
2013 - 2014
بدأ يصير عندي طموح بس ما اعلم احد! بس تعرفه امي وخواتي والي يدخلون اسكي بيعرفونه
صايرة اعصب على اتفه الاشياء و اتهاوش
و ش بعد سكرت خدمتي قلت عشان ابدأ اذاكر وماشفت مني شي
أبو طبيع ماهما يقول بذاكر وبجتهد عادي يتراجع بكلامه بكل سهوله
ويقول اهم شي راحتي

وشسمه وش بعد وانتم وش اخباركم يامتابعيني الكرام ؟
و اي صح .. ترا من فتره انا مع وش اخباري مرتبين لكم سهره حلوه وبترضي الكل ان شاء الله
بس الظروف تقهر بس قريب ان شاء الله بتشوفونها
+ انا وجدتي صباحي نتابع باب الحاره 2 .. تصبحون على خير
و ان كان فيه اغلاط املائيه تسترو عليها

3ℓσσѕнα, ميَعادْ ♪', لــين و5 وغيرهم اعجبتهم مشاركتك.
    رد مع اقتباس
قديم منذ 2 أسابيع   #594
Amina Saleh
مشرفة الركن الهادئ

الصورة الرمزية Amina Saleh

 تاريخ التسجيل : Jun 2009
 المكان : الظهران
 الجنس : انثى
 المشاركات : 7,049
 السمعه : 4829

Amina Saleh غير متصل

 

افتراضي رد: خلِ الذي غير حَنانك عَلينا يعطيك ربع مَ عطِينا N

 

^بعد قلبي المتفاعلين معاي
خلصت اختبارات فصليه وجبت 10 بكل مادة ماعدا الاقتصاد 9 من 10! اتوقع عندهم السستم منسم
لان اجوبتي صاحيه وتمام التمام , ايواا وش بعد

الحين اخذت اسبوع كامل من انقطاع الخدمه باقي 3 اسابيع وارجع افعل
تحملو ادري مشتاقين لي بس هيج الظروف اجبرتني اسوي كذا
سجلت ف نادي رياضه وبكرا ببدأ فيه إن شاء الله ورحت للسوق خذيت لي توابع الرياضه
متحمسه ابي انطط ابي يتجدد نشاطي .. عاد عطوني ورقه اعبيها بيانات مثلا ان كان فيه شي يعورك وكذا
انا سطلت خفت اكتب اشياء و بعدين يمنعوني من بعض الاجهزه وانا ابيها!
انا مارحت للمستشفى اسوي تحليل شامل ولا كشفت عن الاعراض اللي باستمرار تجيني

يجيني الم بكتفي يعني لاشلت شي ثقيل مثلا : اولاد خواتي او شنطه فيها ثقل
والم تحت اذني والراس صار لي فتره يوجعني!
ورجلي اليمنى احسها ثقيله وشد عضلي ملازمني هالشي
وحطيت بكل اجوبتي : لا
ياخوفي يأثر فيني بعدين! بس لالا ان شاء الله مع التمارين يخفون عني الألام


صايره اتابع افلام باليوتيوب يوميا , كل يوم اشوف فلم كامل
شفت ثلاث افلام كوريه أكشن

الزكام و اثنين بدون اسم بس من الخيارات الي تطلع بعد انتهاء الفلم
قصة الزكام مرض معدي ويلا تقوم الحروب كل مايكح احد يجي للي جمبه وهكذذا
انا اللي ماحب اتابع الكوري اندمجت معاه
و الثاني والثالث اختطاف اطفال وقضيه قديمه تمر اكثر من سنه عليها ويفتحونها من جديد
وتابعت بعد اكشن ل جاكي تشان بس ماعرف اسمه بالضبط بس جديد
وابي اتابع رعب بس ماحب لحالي < ما اخاف بس مابي لحالي

الحين بشوف لي فلم ولا مسلسل كويتي
باي باي

3ℓσσѕнα, ميَعادْ ♪', لــين و3 وغيرهم اعجبتهم مشاركتك.
    رد مع اقتباس
قديم منذ أسبوع واحد   #595
Amina Saleh
مشرفة الركن الهادئ

الصورة الرمزية Amina Saleh

 تاريخ التسجيل : Jun 2009
 المكان : الظهران
 الجنس : انثى
 المشاركات : 7,049
 السمعه : 4829

Amina Saleh غير متصل

 

افتراضي رد: خلِ الذي غير حَنانك عَلينا يعطيك ربع مَ عطِينا N

 



مرحبا جاني سؤال بالأسك ولآيعتبر سؤال بعد : الله يزوجك
انا وجهي كذا : خير يا أمي حسيت اني قاعده على قلبها واستوعبت ان انا حاطه صورة بنت لابسه فستان أبيض
ياشيخه الصوره عاجبتني فقط لاغير
و جايتني هديه بالاسك مجهول من فتره بس للحين ماعرفت مين وأبي اعرف

وللحين نومي خرباان اسهر وانام 9 الصبح ومارحت للنادي
هو مفتوح لمدة 3 شهور لـ 12 جلسه وكل يوم نتهاوش انا وفشار
هي تبيني انام واقوم الظهر ونروح وانا مابغى الا صباح
امي تجيب لي سالفه قديمه صارت اتعظت منها صراحتن

باختصار .. كنا كل اسبوع نجتمع باستراحه عمي
خاصه طبعا و ننام فيها ف واحد من اولاد العم يسوي تمارين وما أكل شي ويوم سواها
شال بعدها قدر كبييير ماقدر يكمل مشيته الا طاح بالارض ومات
هذا صدق اتذكرها بس كل اللي اتذكره ان كان مسوي للبنات والشباب طابور يلعبون قطار وهو يمشي اول واحد وطااح قدامهم

كان باقي يوم نقعد ونمشي باليوم الثاني بس على اللي صار
الكل مشى ل بيته وبعدها ماذكر وش صار و بس

طحت على افلام بالدولاب مادري من جابها
كلها اكشن وهنود يوم شفت الهنود تأكدت ان دانه اللي جايبتهم

اسبوع راح اخيرا واستفدت منه
ختمت مادة الاقتصاد الجزئي . مبسوطه كثير لإن قدرت اسوي نظام وأمشي عليه
مب مذاكرة عشوائيه هالمره بذمه وضمير وبتحدا نفسي بالاختبار
ان ماقدمت كويس بسطر روحي
و امس بديت ب مدخل محاسبة ماليه 1 باختصار غثيثه وكثثيره تعاريف . الله يستر من هالمصري

الاسبوع الجاي بغيب عنكم
بروح حفر الباطن اذا وافقت امي طبعا بنقعد هناك عند اختيّ أم عبود
وبس ارجع تبدأ اختباراتي النهائيه متحمسه للأختبارات اتمتع باللحظات هذي

وشو بعد : ) خلاص هذي اخر اخباااري الجديده
أشوفكم على خير

    رد مع اقتباس
قديم منذ أسبوع واحد   #596
Amina Saleh
مشرفة الركن الهادئ

الصورة الرمزية Amina Saleh

 تاريخ التسجيل : Jun 2009
 المكان : الظهران
 الجنس : انثى
 المشاركات : 7,049
 السمعه : 4829

Amina Saleh غير متصل

 

افتراضي مانبي حنان نبي فلوس : D

 






ماشفتوني اليوم الصٌبح ! شبه عدلت نومي نمت الساعه 12 وصحيت 5 الفجر وسويت لي فطور بيض بالجبن مروقه حديّ
لدرجة أبشر الجبن فوق البيض و كوكاكولا انا قبل كنت اقط الجبن واقطعها بالمقلاة مع البيض و بعدين جلست ع السناب اصور واصبح ب صديقاتيّ #تصوير ايباد 2 شنيع
و بعدها انتقلت للأنستقرام وضبطت لي صوره مدري صورتين نزلتهم و الساعه 7:40 ص دخلت اتروشّ [ الله يكرمكم ] ولبست وتجهزت للطلعه الي هو النادي
اخيرآ قلت بروح ومابغيت اشوفه كٌويس .. الساعه 8:30 انطلقنا من البيت طبعا فردوس ثور ب معنى الكلمه [ السواق ] مايحفظ الأمآكن معتمد علينا يقول انتي بس قولي : يمين ويسار وسيدآ
وآهلي كلهم معتمدين علي لإن انا أدل الطرّق وكل شيّ [ بسم الله علي لآ أتزمهر الحين ] عاد اذا طنقرت على اهلي خلاص أسحب عليهم اخليهم يحوسون بالشوارع !!
المُهم دخلنا ع تسع وربع نادي المانع بالخبر ,, نوعآ ما نظيف بس المكان صغير للأجهزه يعني بس جهة وحده للألات و جهه سيب تمشين تروحين للصاله الثانيه ان كان فيه مُدربه لـ رقص وسباحه
كل يوم ساعه وحدا ف اليوم بس اذا زدت نص بعد الساعه يصير اخذت من اليوم الثاني [ فهمتو ] ؟ و اول أله جربتها هي الكروس ترينر يا إنها متعبه نبضات قلبي صارت طبول
وبعدين رحت للسير يعني هذا راحه بالنسبه لي ومايتعب و كل أله لها 20 دقيقه و بعدين جربت حاقات ماعرف اسمها بس هذي تشد الجسم للبطن ومدري ايش
يا إن مفاصلي انهدت عاد شلت شي ثقيل ويديني انمصعو قلت خلاص يدي بتنفصل برسلم لكم توضيحي بالرسام



وبعدين طلعنا 10 ونص واول ماطلعنا كان يقابلنا فرابلز محل عصيرات بندر منيف
ماحب العصيرات لا اللي برا ولا اللي داخل البيت بس اختي تبي تشتريّ وماش ماعجبها شي وطلعنا ركبنا السياره وتوكلنا للبيت ونووووووم عميق لين الساعه 5 العصر
و قمت لان وراي محاضره مباشره للعقيده و يا ان هالدكتور ممممريض يااخي معقدنا مب راضي يسوي لنا محتوى ولا يحزنون مصّر نشتري الكتاب ونذاكر منه
الترم الاول شريت وما استفدت شي منهم هالدور العقيده بس هي سهله ليه يصعبها و الحين حملت الكتاب وجلست أقراه نفس المحتوى بس كأن الكتاب اسهل
الزبده ان للحين متكسرآ ابي ارجع انام :/ بنتظر ل الساعه 12 عشان اكمل حلقة الواجهه , مسلسل بايخ وطولو حلقات على الفاضي واسبوع الجاي مسلسل جديد : صديقات العٌمر شكله يهبل
مع السلامه

    رد مع اقتباس
قديم منذ أسبوع واحد   #597
Amina Saleh
مشرفة الركن الهادئ

الصورة الرمزية Amina Saleh

 تاريخ التسجيل : Jun 2009
 المكان : الظهران
 الجنس : انثى
 المشاركات : 7,049
 السمعه : 4829

Amina Saleh غير متصل

 

افتراضي رد: خلِ الذي غير حَنانك عَلينا يعطيك ربع مَ عطِينا N

 



مساء الظهريه الجميله
اليوم رحت للنادي 9 ربع دخلنا عاد قلت مابي أكرر اللي البارح
اول شي مشيت 25 دقيقه على السير و بعدين رحت للأشياء الثانيه نفس الرسمه أعلآه بس طبعا ذي سحبت عليهإ اتوقع ان ذي تطلع عضلات وانا ما ابغى هالشي
ف سحبت عليهإ .. مادري كيف اوصف لكم شكلهم بس تمسك حبل وتشد للبطن والثاني ترفع وتنزل نفس الشي شد و الثالث كرسي وترفع الرجل وااخ متعبه بعد بس أهون من كروس
و بعدين خذيت سير مره ثانيه بس 20 دقيقه و 5 دقايق على كروس ..
و كالعادة نطلع من النادي نمر البقاله أخذ لي كولا و تشوكلت

اليوم بنقعد بالبيت و امي وأختي عندهم زوااج أخ بس لو عزموني
ف امي كل شوي تقول لاتقعدون بالبيت روحو ل جمعتكم بيت اميّ
قلت لا مانبي نروح من دونك اصلا طفش و محد بيجي كل واحد بيحط عذر إنه بيذاكر
ف قررت إني ما أخمد الحين عشان انام بدري , و لذلحين مارتبت عفشي
يبي لي أطبع رياضيات للإدارة عشان أبدأ فيه ذا الإحد لمن أعتمدت على نفسي صرت احب الريو

+ تفضل/ي

3ℓσσѕнα, Chocolate, وش أخبآري ؟ و3 وغيرهم اعجبتهم مشاركتك.
    رد مع اقتباس
قديم منذ أسبوع واحد   #598
Amina Saleh
مشرفة الركن الهادئ

الصورة الرمزية Amina Saleh

 تاريخ التسجيل : Jun 2009
 المكان : الظهران
 الجنس : انثى
 المشاركات : 7,049
 السمعه : 4829

Amina Saleh غير متصل

 

افتراضي رد: خلِ الذي غير حَنانك عَلينا يعطيك ربع مَ عطِينا N

 




وصلت السعيره البارحه الساعه 3 ونص العصر بالتمام 5 ساعات ف الطريق من 11 ص مشينا
طبعا اذا صار فيه طريق طويل مستحيل انام! سهرت والنتيجه سيئه جدا
الزبده نمت ف النقل احنا رايحين بالنقل الجماعي , نمت ساعتين والباقي اغط واقوم
لين قلت خلاص طفشت متى نوصل
يا إن تكسر ظهري تعب شديد ل درجة وصلت الشقه بس صبرت لصلاة المغرب وجمعت العشا ونمت وماقمت الا الفجر يوم ثاني الي هو اليوم H2

و عاد صليت الفجر وابي اشغل الفرن مب عارفه ف انتظرت اختي لين تصحى وتشغله لي
وقامت وعلمتني عليه وصراحه تعيجزت اسوي لي فطور من الجوع
قامت امي تصلي الفجر وقلت لها تسوي لي
و فطرت بيض و كوكا كولا و جالكسي وشوية تشبساات
وبديت اذاكر رياضيات للإدددارة و بعدين الساعه 10 خلاص وقفت ل 3 محاضرات

الساعه 11 حسيت اني بطفي صدق!
قلت خل اخذ غفوه وغفوه صارت ل 5 العصر
ويقعدوني يحاولون فيني اصحصح عشان نطلع للحديقه نمشي وبعدها نمر ع البقاله والخ
قلت مافيني اقوم واصلا عندي محاضره مباشره مايمدي :/

وقمت تسبحت وصلت ظهر وعصر و بعدين فتحت اللاب توب
طبعا منهاره الا شوي وببكي
جهازي مايشبك على كهرب اختي لان حقي الفيش مختلف تماما *قلب مشقوق*
ولا التوصيله ماتركب ف محدثتكم تكلمكم من جهاز فشور

وبس حبيت اوريكم وضعي اليوم الصباح

+ بتابع صديقات العمر وبعدها نومه




أطل عليها من الصاله
+


3ℓσσѕнα, ميَعادْ ♪', Nony&Dlo و5 وغيرهم اعجبتهم مشاركتك.
    رد مع اقتباس
إضافة رد

مواقع النشر (المفضلة)

الكلمات الدلالية (Tags)
الذي, حَنانك, يعطيك, ربٌع, غيّر, عَلينا, عطِينا

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
مَ بقى غير مقطع ' من قصآيدنآ آلاخيرهہ ♡♡ зnσσѕн " عُـــزلـــه " 5 20-09-2012 02:02 AM
لآ هوىَ يطِرب بصّدق إلآ هُوآكْ [ مُشآركهَ ] ♡♡` عَطْر ♥ . . منتدى النصراويين 20 15-07-2012 08:42 AM
حتسآ آ آ وُيَ قوشيَ آلجميلآهُـ ’ ! .shoq alqhtani الركن الهادئ 47 12-07-2012 02:14 AM
ممـيز // الوقوع في الحب : يعني التورط فعلياً بِ كارثه كبرى ♡♡ bb تفاحة الـأيفون ⊰ منتدى البلاك بيري - BlackBerry 12 09-07-2012 07:01 AM
♡ . حلى الدونات بطريقة سهلة .. با السوور .♡ RASHA.Otb ♥ منتدى الطبخ 29 19-09-2008 04:58 AM

معلومات اسلامية / معاني الأسماء / تفسير الأحلام / بوابة حواء / السياحة / الصحة والحياة / فن الطبخ / صور / معلومات متنوعة / صور سيارات



العاب تلبيس العاب طبخ العاب كراش العاب سيارات العاب العاب بنات

  العاب سيارات العاب ديكور و ترتيب العاب مغامرات العاب سبونج بوب

 العاب باربي العاب اطفال العاب ماريو العاب اكشن


الساعة الآن 07:32 AM.


Powered by vBulletin® Copyright ©2000 - 2014, Jelsoft Enterprises Ltd. ,
Search Engine Optimization by vBSEO ©2011, Crawlability, Inc.

منتديات
المواضيع والردود المنشوره في منتديات خفوق لاتمثل بالضروره الرأي الرسمي للاداره بل تمثل وجهة نظر كاتبها فقط / جميع الحقوق محفوظة © 2005 - 2013