منتديات - منتدى - خفوق الروح
العاب طبخ العاب تنظيف البشرة والجسم العاب بنات طيور الجنة
العاب فلاش العاب مكياج العاب قص شعر العاب تلبيس




العودة   منتديات خفوق الروح > منتديات خفوق الادبيه > خيمة الشعر

خيمة الشعر ادب خفوق في التويتر



إضافة رد
 
LinkBack أدوات الموضوع انواع عرض الموضوع
قديم 20-06-2009   #1
امـل مقتول
مميزة قسم الرسائل

 تاريخ التسجيل : Jun 2007
 المكان : مالك شغل ياشين اللقافه
 الجنس : انثى
 المشاركات : 2,546
 السمعه : 10

امـل مقتول غير متصل

 

Fe2a89c1e6 سفير الشعر عبدالكريم الجباري {هنـــــــا}

 
























السلام عليكم ورحمة الله

:
:
:
طابت أوقاتكم أعزائي

أضع بين أيديكم هنا مجموعة رائعة من قصائد الشاعر عبد الكريم الجباري

و كلي أمل أن تحوز على إعجابكم

    رد مع اقتباس
قديم 20-06-2009   #2
امـل مقتول
مميزة قسم الرسائل

 تاريخ التسجيل : Jun 2007
 المكان : مالك شغل ياشين اللقافه
 الجنس : انثى
 المشاركات : 2,546
 السمعه : 10

امـل مقتول غير متصل

 

افتراضي رد: سفير الشعر عبدالكريم الجباري {هنـــــــا}

 

ياهلا يامرحبابك





ياهلا يامرحبابك يالله حي الغالي
بس قلّي ودي افهم وين هي هالغيبه
يمكن احسن لو تقول السالفه طوّالي
الحكي ياما شبعت امن البشر تلعيبه
الغلط لوقلت مني؟ذبحتك حلاّلي
ماذخرت بشوف عيني والغلا تدريبه
لاغديت ولارحلّت ولاانقطع جوّالي
شنهو عذرك والله انه خيبتك ياخيبه
يوم تنشد كيف حالي ؟ماعرفت احوالي
صحّتي احمّد ربي والعقل ياطيبه
منبسط والحمد لله معرسين اعيالي
واصغر اعيالي نجح مدري شنو ترتيبه
واجد اعلومن بعد تدري بها حسبالي
اووو ياعيب الشـــــــــوم والله منّنا ياعيبه
ياااااااا أخي لك عين والله جاي تمر اقبالي؟
العذر لو ني مكانك استحي لااجيبه
لو اداري ماي وجهي واحفظه اشوالي
كان قالوا ننتظر لين العذر ياتيبه
جيت من صوبي مطّفي ماظربت العالي
ياهلا يامرحبا تستاهل الترحيبه
تدري ويش الي ذبحني ؟الوفاشسوالي
اي مدام الي يخوّن مالقا تعذيبه
يرحم الله ليلتن ماروّحت من بالي
يوم يدّك في يديني والشعر توميبه
مشيتك مشيّت دلع يوم الدلع موالي
وانصدم فيك المياعه فوق هذي هيبه
يوم اناديك الغلا وانتا رصيد اموالي
من يكون انته رصيده مايفلّس جيبه
ذاك مبطي في عيوني ما اشوفه تالي
تبت من طعن الهوى شفت الهوى ماليبه
روح في فالك وانا برضو بروح بفالي
سمّح الله دربك الي ناوي (ن) تمشيبه
مرحبا مع السلامه ياهلا بالغالي
مرحبا يامرحبا تستاهل الترحيبه





قال الفراق



قال الفراق ؟...وقلت ....وش عاد ....يعني
منّاك يالله لو سمحت اقطع الصوت
واشوى.....!..بحزّة قلتها ..ماسمعني
وش ..عاد يعني......!!مادريت انه الموت
وقال الغرام..؟..وقلتله مانفعني
هذاك لو اني حظيظن ومبخوت
وقال العناد...؟..وقلتله مامنعني
مكثر من اعناد(ن) على لعب بيلوت
وقال الغرور...؟..وقلتله ....مارفعني
ماظنتي بأن الكبر يعمر بيوت
قال التواضع....؟...قلت بالله .....طعني
خلك عليه بذمتي تقطف التوت
قال التسّرع....؟...قلتله ماتبعني
ماينفعك لاصيّحوا فاتك الفوت
وقال الصحيح..؟؟...وقلت طبع(ن) .طبعني
ماهو لباسن تلبسه لبسة الكوت
وقال الشعر.....؟....قلت الشعر ماوسعني
يكفيك بندر والفراوي وبخّوت
بالله كف.....عن السؤال ودعني
يعني خلاص الصمت لولو وياقوت
قال الفراق......؟..وقلت وش عاد...يعني
بكل برود ومادريت انه الموت







رضيت بدبرة المولى

رضيت بدبرة المولى وانا في عيشتي راضي
يقولون العرب صمتك ذهب لو الحكي فضه
اعيش بصفحه الحاضر واجدد صفحه الماضي
وانا مثل الشجاع الي يجول ولاصدق حضه
احاول قد ما اقدر واعرف ان العمر قاضي
واعالجلي ذراعن لوتعداه الكسر رضّه
فهيم ولاكنن منهو يفهم حضرت القاضي
ابعد لو ذكرت الي يقولون العمر مضه
حكيت وما حكيت الا بأدب واحسن الفاضي
ولاكن الذهب صمتي ولوكان الحكي فضه






اما على ضو القمر



اما على ضو القمر والا بلاش امن النجوم
الذنب مو ذنبي انا كلن على تربايته
عزيز نفس وعزتي ماهي على حب الخشوم
اجبر خفوقي ينثبر ايلين ياصل غايته
لاطحت انا كبوه فرس اطيح لاكني اقوم
الموت من طاح وخثع كسّر واهو فبدايته
ياهيه قولوا للقضي تراه غالي ومحشوم
لايفهم المقصود قلبي جا يسلم رايته
لاواللذي خلا غلاته في خفوقي كوم كوم
ماجيتله كني طفل يبكي على لهايته
جيته كريم وبنصحه ياهيه بس يكفيك نوم
رحتني واليا متى واقول هذي فايته
اصد ماودي الومه وانصدم بأنه يلوم
غريب اي والله غريب ولاعرفنا مايته
المشكله بأني احبه جعل تفداه الرخوم
ودي اعالج خافقه واعرف وشنهي حكايته
حبة غلا قبل الزعل والثانيه عند اللزوم
شهرين يبقى عالدوى لما نشوف انهايته
ياهيه قولوا للقضي عن شي (ن) فبالي يحوم
واكيد ماشال الكتاب الا يعرف اقرايته
واكيد لله الدوام وغير ذاته مايدوم
والله عرف بالعقل سبحانه منزّل آيته
عزيز نفس وعزتي ماهي على حب الخشوم
الذنب مو ذنبي انا كلن على تربايته







ناظــــــــر مقامك


يوم اتــــــــكلم يالخـــــــــــبل قلي اشجبت؟
غمـــــــض عيونك ياعيون الحرامــــــــــــي
دمحت لك الفــــــــــــــين مره ولاتبـــــــت
مدري نســــــيت او مايهمــــك كلامـــــــــــي
شفت البشر واخــــذت منها وجــربــــــــت
ناظــــــــر مقامك قبل اناظــــر مقامــــــــــي
عالجــــت ضعفك يــــوم اعرفك ولاطبـــت
ترجـــــــــــــ ع خلافي يوم ادزك امامــــــــي
هــــــــذاك اول يـــــــــــم مثلك تغصــــــبت
واليــــــــــوم تحرم ضحكتي مع سلامــــــي
راجعت نفســــــي مع ضميري وانبـــــــــت
وشلون الومـــــك بستحي من ملامـــــي
دامي رفعتك رفعتـــــــن للسمـــا خبـــــت
ودامــــــــي ودامـــــــي ويش تنفع ودامــــي
ياشيب حظك دامك اعلـــى الردى شــــبت
فارق وانا بالطيــــــــب بـــــروي عظامـــي
وجهك يذكـــــــرني غثا ليـــــله السبـــت
لاشفـــــــــت وجهــــــــك باتذكـــــــــــر دوامــي







اليتيمه



خالد وضيدان كلن قال انا راعي اليتيمه
مادرو بان اليتيمه قطعة مني وفيني
بند من بند الحقوق يقول ذي سرقه عظيمه
واللذي ماهو مصدق لاقرأ نصي يجيني
هيه ياخالد وياضيدان يامال الغنيمه
واحدن شعره سمعته واحدن شفته بعيني
الفشق والفرد زاهب والخصم يلقى خصيمه
عاصبن راسي وراسي شر لعيونك ضنيني
يابعد من زاقت اعيونه على صورة حليمه
ويابعد من شال في قلبه علي ولايبيني
ياليتيمه من عرفتك ماعرفت الا الحشيمه
ومن فقدتك يايتيمه مافقدت الا يميني
لو بقول اني نسيتك اوووه ياكبر الظليمه
لو اقول اني تسيتك كني انسى والديني
ولو بقول البعد عادي بعتبر هذي جريمه
شاعت بكل البقاع وبصمه العار بسنيني
ياليتيمه مالقيت الطب لجروحن اليمه
ماظلمتي غير نفسك قبل انك تظلميني
ياليتيمه خافي الله صرت لجروحي وليمه
خافي الله ياغلاي الله عليك اتسامحيني
لو انا ماكنت مخطي والبلا بهل النميمه
جبت لك ميه عذر يمكن تجين وتعذريني
الله اكبر يا زماني كان لي قدرن وقيمه
كان لي .....! واليوم هذا خافقك مايشتهيني
كان لي...!والعالم صرت انا موضه قديمه
كانها فعلا كذا....؟ ياخي تعالي جدديني
والله اني مازرعت الا نواياي السليمه
وماحصدت الا العذاب وفوق هذا تجرحيني
ياليتيمه.... ياليتيمه ....ياليتيمه... ياليتيمه
ياليتيمه راح صوتي راح صوتي واسمعيني
لو بقول اني نسيتك اوووووه ياكبر الجريمه
بس لبيلي طلب لو مت بالله سامحيني






الــقــبـــايـــــل


اجـــر البيت جــرات الربــابه
واعبي جربته واملى زهــابه
ويسالني وانا اعطيه النصايح
ومـالك يالســؤال إلا الاجـابه
إلا منه توقف عنــد غيري
مـــاهو همي ولا بحسب حســابه
والا مني كتبته مـــا اتصنع
مـن الخفــاق لــو محدن درابه
وانا بكتب عن اللي ما حسبها
على روس المــلا يقـــرا كتابه
يمَدْح لابته واظـــن حـقــه
ومـدحه جـــايبه بحســاب لابه
يضر الغير في مدحه وطرقه
يبها مــدح ثم صارت طـــــلابه
ياخوي امدح بلا ذكر الوقايع
ترى فعول العرب فيهـا تشـــابه
اذا لك وقعة ن عنـــده وقيعه
واظن السيف يشهـدلك جـــرابه
تحسب انــك غلبتم مــــا انغلتم
اذانــك ذيب به غـيـرك ذيـابه
وكـلـن مـــاخذن حقه غصيبه
تحـــدر بالـفـعـل والا رقـابه
ومحد يخفاه علمن مـــن حديكم
بصلح الـوقت والا في خـرابه
يا اخوي اذكر فعول الطيب والا
تــرى جنسك فــلا يكثر شبـــابه
تكلم فالكـــرم والجـــــود يكفي
وعن الشيمه وساسك وانتســـابه
وعن الخوه مع اكرامك لضيفك
وعن جــارك تـزيدبـك الحبـابه
يا اخوي المرجله ماهيب سهله
ولاهي هقــوة ن كـلـن هقــابه
ياخوي المرجله ماهي في بشتك
نـوامــيس الرجـل مــاهي ثيـابه
يـــاخـوي المرجله بيبان واجـــد
ولا كـلـن يـعـد افعــول بــابه
تـعـد النـــــاس فعـلك وتحكـيـبه
يــاشين اللي فعل فعلن حكـــابه
يـاخوي ان كان في لابتك شاعر
تــرى الشعـار قولك مـا تهـــابه
يجيك الـفين شـاعر مـن تــرده
يهـلــونك مــثـل هــل السحــابه
بعيد الـشـر فــــال الله وفــــاله
تــراه مقـــرود والله مــن بــدابه
قبايلنـا شـــرف من فضل ربي
لـهم حشمه وشيمـــات ومهـــابه
شمــاليهـا جنوبيــهـا وغيره
رجــلـهم يـكـرم ويحـشـم جنـابه
تبي تعرف المـــوده و المـعــزه
وصيحيح القول ومن الزور مابه
تغرب في ديار اهل النجــــاســه
مع الكفــار عـمــرك في نهـابه
فاذا شفت الـعـرب تشـفق عليهم
تـحـس ان بينـكم دم وقــرابه
فمــــابالك اذا شـفـت القبيــلي
تحس اخــوك لو مــــابوك جـــابه





هــــوى الغــربي



حسبي الله ياهوى الغربي على ذعذاعك
جدد اجروحن قديمه كنت انا ناسيها
آه يامحلا هواك ولو تخف اطماعك
جيت تحرثني وانا الي علتي كاميها
من ربيع العام الاول ماعرفت اوجاعك
جيتني فاتح يديك وجبتلي طاريها
ليــــه؟تكفا! ياهوى الغربي ياشين اطباعك
ليه ماتدري عن الي هدّها يغليها
ايــــه مغليها وربي مانويت اخداعك
يوم راحت صارحتني والحزن معميها
قالت اطّيع الزمن لو الزمن ماطاعك
قلت وش فاد الزمن...؟ ..هالسالفه كبّيها
قالت انت اصبر حبيبي وانتبه!بسماعك
جمعتن تغضب الاهي والملا مابيها
ادري انك لو قدرت اتجيبها بذراعك
لاكن انك عارف اولها مع تاليها
والله اني عاذرتك ولاعني ما لاعك
وش نسوي والحظوظ السود وش حاديها
العقل والدين وسلومن مشت في قاعك
ياحبيبي بالامانه وشتبي...؟.....نمحيها
قلت لا وقالت اصلا هي ثلاث ارباعك
باعها كل الثلاثه والربع شاريها
الحصيل اهو الحصيل ولو حصد زراعك
والزروع الي ازرعوها كلنا نجنيها
المهم اني عشقتك لو قضى مرباعك
والطيوف الي تجيني الله محييها
ياحبيبي ودي امشي والعذر لوداعك
بس تكفا وص في نفسك وانا بوصيها
قمت اردد عزتيلي لو يغيب اشعاعك
واستدارت دون نظره واشرت بيديها
عزّتيلك يالجباري لو لبست اقناعك
دنيتك وش هو طعمها لو جفا غاليها
مركبك وين يغديبك لو فقدت اشراعك
بنشدك وشلون بالله ليلتك تمضيها
آه ياقلب الجباري وين هو فزاعك
وآه من جور الليالي لو قضى حاليها
حسبي الله ياهوى الغربي على ذعذاعك
جدد اجروحن قديمه كنت انا ناسيها







افـــاااا



الطير لاكسرت جنحانه يطير؟
هذا السؤال اللي يدوج بالخفا
ما همني ما بعد هذا وش يصير
الي حصل في صفحة الماضي كفا
ما بين خوف الله وتأنيب الضمير
ما خاب اي شخص لوجه الله عفا
انا السفير اللي يدور له سفير
وانا الوفي اللي زمانه ما وفا
شفت الزمن لبسني الثوب الحرير
وثوبه يبنجني لطعنات القفا
ما عاد ابي ثوبه وابي ثوب الفقير
اللي احس بلبسته ستر ودفا
اسهل ما بالدنيا برستيج الامير
بس المصيبة لو بعد ناره طفا
من عاش وقته لايجار ولا يجير
محدن بداريبه مشى والا لفا
والكلمة اللي حدها حد الشطير
لا قال شخصن تحسب حسابه افاااا
ياكبرها كبراه في عين الكبير
ويا صغرها للي بمرجلته هفا
الحمل ما شاله سوى ظهر البعير
اللي تبين في مواطيه الحفا
البارحة تقريب في حزة عصير
كنه خفوقي قطعن في دار السفا
طرا علي الحب الاول والاخير
اللي معلقني على جسر الجفا
وش هو سبب هالصد والدنيا بخير
ليته مأكد صددته والا نفا
ماني بناقص هم تكفااااا يالعشير
جفنك ينام وجفن غير ما غفا
ابك انت غير وغير أي والله غير
لوهو صفا جوي بدونك ما صفا
لاكن خذ الشرهة وأنا اخبرك كبير
ما هي تجيني منك يالغالي افااااا





لاتبعد وكلمني



ان قلت مابيك....لاتبعد وكلمني
والله مقدر اعيش العمر من دونك
ان شفتني ظايق ...ارخ الصوت وافهمني
بس قل ..حاضر وحاولبي على هونك
بالعقل وقت الزعل مالله ملهمني
مجنون خلقه وكيف ان صرت مجنونك
ان رحت عني بقول الله يرحمني
والله اني طيب ومت بسبّة اطعونك
ماتعرف الي يبيك ارجوك علمني
والله والله يموت لخاطر اعيونك
لاتقول احبك اذا به ناس واحشمني
اخاف بلسانهم عندي يطّرونك
ان قلت كذاب عزالله تظلمني
كله على شان خوفي الناس يذّونك
وان كاني اخطيت جعل الله يعصمني
بس الوكاد اني لو اخطيت ماخونك
يابلسم الروح بس اشوي بلسمني
لامن تبسمت تكفي ضحكت اسنونك
ارجوك في ميزة التجوال عممني
بضيع بالحب لامن صرت مفتونك
وان قلت مابيك .........اخذ اشوي......وازهمني
اقول لبيـــــــــه...والا اقول.......ياعونـــــــــك






طعنتن بضلوعي



طعنتن بضلوعي
الحبيب الي غرامي صار بين ضلوعه
ليه وجّه في يدينه طعنتن بضلوعي
ماهقيت انها تغيّر نيته و طبوعه
اما انا هذي محاسن نيتي وطبوعي
والله انه من غلاته كلمته مسموعه
لو تدخل في خصايص روحتي ورجوعي
حتى انا عندي خبر في روحته ورجوعه
من قبل تطفي جميع معلقات شموعي
لين حدتني فعوله ديرتن منزوعه
ماقدرت ادوج فيها واخترب مشروعي
لو نقول انه غشيم وما نصحوه ربوعه
الخطا ماهو خطاي اني سمعت ربوعي
دام ماصان الغلا خله يذوق اللوعه
يكفي اني من عذابه جد شبعت بلوعي
يعني اتكون العلاقه بيننا مقطوعه
من سببه ومن يلومن لو مشيت بطوعي
لو عرف لعب العيال ولويعرف هجوعه
ليه انا ناقص ذراع......؟الا اعرف هجوعي
من غصبه انه يسفّح بالخطا بطلوعه
بس انا مانيب مثله والصحيح طلوعي
مو غرور ولااظنه منفتح موضوعه
بس من حد الخطايا يبتدي موضوعي
والله انه فعلته هذي مهي مشروعه
كن دستوره مسوى في يدين شيوعي
يالله انك من سواته لاتكثر نوعه
ويالله انك من سواتي انك تكثّر نوعي
ذيك حزة ماعرفته ليلتن مسبوعه
ليت والله ماعرفته واكتنزت قنوعي
اشهد ان حبه تكاثر في حشاي فروعه
وانصدم لامن نظرت .....!الله ياكثر فروعي
الله اكبر ياحبيبن صورته مطبوعه
داخلي واقول عمري هذا هو دلوعي
والله اني لو تركتك قيمتك مرفوعه
وش بسوي مو بديني جد حصدت زروعي
لاتحاول لاتحاول ردّتك ممنوعه
والغلا باقي مكانه لو فتشت ضلوعي










عطلة الصيف



الصيف قالو به طرابه ولذات
وانا كرهت الصيف ياعطلت الصيف
لو كانها بالحر قلنا سهالات
مير البلا فرّق قلوب المواليف
لو جيت اسافر به على غير مشهات
لو كثرت السفرات ماهي على الكيف
هذا يبي لندن وهذا الامارات
وهذا حجز للهند وهذاك لجنيف
وهذا يبي يخرّج حدود القريات
وهذا توّنس بالقريات وطريف
وهذا ولايعرف طريق الجوازات
وهذا يقظّي عطلته داخل السيف
الوقت ظايع في جميع المجالات
من فضل ربي منحسب للتكاليف
لاكن وقتي ماهو بمثل الاوقات
لي صاحبن فارق عيوني ولاشيف
مرات اقول اليوم فايت ولافات
راح الكثير ومابقا الا تناتيف
اضحك على نفسي واراوي مراوات
واغير ايامي واحّرف تحاريف
ياليت والله يسحبون الجوازات
والله كرهت الصيف ياعطلت الصيف





الجباري والجباري
ياولد دوّر كلامن غير هذا الي تقوله
كن مابه سالفه غير الجباري والجباري
لو تسّوي ماتسّوي الجباري ماتطوله
مير خلك في محلك لايطرالك طواري
كل من ظمّر ذلوله جا يدرهم في ذلوله
ومن نقل طيره بكفه يحسب ان جاب الحباري
ومن دخل شوط البطوله يحسب ان جاب البطوله
ومن يعذرب بالخلايق يحسب ان نفسه قماري
لو كظمت الغيض بتبع سنه الله ورسوله
والحديث تشوف نصه دوّر بكتب البخاري
الرجوله ياحلالي بالحكي ماهي رجوله
كانها بالقول تلقى الفعل عند ام الخزاري
الرجل بين ليا ناظرتبه تلقى فعوله
ماهو في طرق الحكي مابين بيّاعن وشاري
ياحلالي ياحلالي ماتجي في هالسهوله
الرجل عنده مواري والردي عنده مواري
اما انا ماقد حسبت احساب في ذوله وذوله
عارفن نفسي وراسي فوق دام الدم جاري
عارفن ربي واصلي وانا بن ناس وحموله
طيبهم لو له رصيدن عجّز البنك التجاري
ادرس التاريخ وادرس فعلهم عرضه وطوله
لو قريت الفين ضاري يبيجي مليون ضاري
ولو تبي صوله وجوله كم لنا صوله وجوله
عدّها يمكن تعدّي ليلتك واسري ياساري
طرت يومن صفقولك كم غيرك صفقوله
واحدن داريبهم والفين ماظني بداري
ياولد دوّر كلامن غير هذا الي تقوله
كن مابه سالفه غير الجباري والجباري






تجربه حب




الحب كنه لعب حظ ويانصيب
مرات حظ اوفر ومره تكسبه
والي فشل بالتجربه ماهوب عيب
من الاساس نقول هذي تجربه
العيب لا واجهتلك اصدق حبيب
شاريك من بد العباد وتعقبه
والعيب لاوقفت من دون القليب
لانتا عطيت الماء ولاانك تشربه
والعيب لاناظرتلك ايات طيب
لافاعلن مثله وتبغى تنسبه
واكبر خطا لاجات من يد الطبيب
زله وزلات الطبيب محسبه
واكبر خطا لاخوّن السان الأديب
والا السفيه ان جات محدن ناشبه
واكبر خطا من قال بنساب العريب
لاحاشمن نفسه ولاحشم شنبه
واكبر خطا التحقير بإنسانن غريب
ولا عرف وش هو ولاعرف نسبه
مايفهم المقصود ياكود اللبيب
الي يجدّف بالفهامه مركبه
والحب كنه لعبه حظ ويانصيب
مرات حظ اوفر ومره تكسبه







بعض الوجيــــــــــــــــــه




يالله تصبرني على بعض الوجيه
والوقت من غدره ومن غرايبه
والي على ضيق الدهر تقصر يديه
ببعد عن مصافح يديه العايبه
لو كان ماجتني على الي مشتهيه
نفسي عن السان المجامل طايبه
يالله تبعدني عن الي ما ابيه
من مدت السانه ومن طلايبه
انا هواوي والهواوي وش عليه
غير الذنوب وذنب غيره جايبه
عاقل وكني لابسن ثوب السفيه
متسلطن على النفوس التايبه
من وين مالديت بالفكر النزيه
في لدتي كل الدعواوي سايبه
العدل ضايع يرحم الله والديه
وان مالت امه يرحم الله شايبه
من يعشق الفتنه تبع سعد الفقيه
ومايتبعه غير الوجيه الخايبه
لو كان في سوقه ريالات وجنيه
غطى على سوق الوزير ونايبه
عينه اذا تقدر تعلى حاجبيه
تلقى الثرى عالي على سحايبه
من عاش وسط المستحيل ويرتجيه
تبرك على دار الامل ركايبه
الفرق واضح للبسيط وللنبيه
ماهو بتفكير العقول الذايبه
الي عرف علوه عرف معها بريه
والي عرف ربعه عرف نسايبه
ومن صد عنا نطلب الله يهديه
والي خسر نفسه خسر حبايبه
نمشي على سنه رسول نقتديه
من دلنا سير الامور الصايبه
ولو حدني وقتي على الي ما ابيه
نفسي عن السان المجامل طايبه
وان مال عدلي يرحم الله والديه
وان مالت امه يرحم الله شايبه








وش بسّوي


انا يافارس ماتغيّرمكاني
بس الحبيب الي تغير مكانه
لو جيت ابا عيد النظر في زماني
القى زماني مايوافق زمانه
لو اهقا في يوم بانه نساني
ماكان سهّرت النواظر عشانه
كم لي وانا احد الزمن ماعطاني
وكم لي يافارس ماعطاني حنانه
ياوجد حالي كان جيته وجاني
وازرى عن التعبير ينطق لسانه
وجود من عاش الزمن الاولاني
وعيا نهار الكون يفزع حصانه
والله يافارس لو انه مداني
ماكان كثرت الغلا والميانه
انا رهين وعلتي بالمحاني
ولوبه رهن منهو بيكسب رهانه
الجرح الاول زادني جرح ثاني
عان الجروح وناظر الجرح عانه
كم لي ترجيت الزمن ماعطاني
قلّي يافارس وش بسوي عشانه......؟






الناس البليده


بين جرات السبيب وبين تنويع القصايد
قلت اعبر ماجرى في خاطري باصدق قصيده
لو نشدت الحرف عند البعض به ناقص وزايد
يايقصر في عطا صافي البحر والا يزيده
صفقيله يالمجله وانشريله يالجرايد
عقبها هاجم خلف هذال في وسط الجريده
راحت الساحه تفاهه بين عيد وبين عايد
دايم نفس الكلام الي يقولونه يعيده
يارجال العرف والا ياوسيعين البنايد
انتهض راس المعنا واحتمى راس الحديده
طير ابن برمان لو تثني عليه الناس صايد
لاكنن فرقه على باقي الحرار الي يصيده
لاسلم راعيه منه ولابعد جاب الفوايد
هي كذا العالم كثير اشكال وانواعن عديده
يحسبون الطيب هين مادروا بالطيب كايد
والرجال الي تبين من يجيب الطيب بيده
من بغى يرقا بفعله مايعرض للنقايد
النقيده لارقا في لابته والا عظيده
الوفي تلقاه عند اهل الوفا واهل العوايد
والردي لو هو مسك باعلى المناصب ماتفيده
ولو سمعت القول سنّد بالسند تلقى سنايد
لاتطيح بحفرة الجهيل والنظره بعيده
مايبين لك خوي ياكود في وقت الشدايد
اما خيبّب لك ضنونك والا يطلعلك وليده
مانقول الا الصحيح ومانجيب الا الجدايد
والليالي دايره وانفهّم الناس البليده







لو كان ولدي


لو يقصر الساني فلا تقصر يدي
والي عقد روس الحبال يحلّها
مسلم واخاف اللــــــــه الحرف ابجدي
وادروب روس النايفات ادلّها
والفرق واضح بين مهْدي ومهّدي
الحرف واحد والغشيم يعلّها
ياعل قلبي لاتهايقت الجدي
والناس تنظر بالنقوش بزّلها
يانجم خذني صاحبن لك يابعدي
والكلمه الي ماتبيها خلّها
انظرك دايم لاتضايقت وحدي
وادري بأنّك كلمتي تفطن لها
الحب نغمه ....؟ والا انا فيه اغدي
والا سيوف الهند محدن سلّها
مدري انا يانجم من وين ابتدي
ظاعت علومي ماقدرت اهّلها
حبيت اي واللــــــــــه يالحظ الردي
والحب بلوى والهواوي شّلها
من وين والا وين يالبال الهدي
عيّيت حتى ديرتي تاصّلها
جيتك وانا من اقصاي ماجيت اعدي
لحول نفسك ماتخلي غّلها
حبيت واشهد يالبساط الاحمدي
والله بلتني يالله انك تحّلها
خلّت وعدها اما انا هذا وعدي
يانجم تكفا عن كلامي قّلها
اني فداها لو انا ماني فدي
وانها فبالي لو تناست خّلها
ومن صد ماجيته ولو كان ولدي
علاقتن تثقل علي افّلها
والحق مايزعلك يالعمر المدي
وان كان راحت لاتجي احسن ّلها
يانجم فاض العلم يانجم الجدي
كلمه مهي تعجبك تكفا خّلها
انا اجودي حتى انت يانجم اجودي
لو كان غيرك هرجتي بيملّها
ماينحني هالراس وانا بن عدي
والنفس ماخلقت عشان اذلّها






ياتـــــــــــــوت





جيتك وانا مشتاق .......مشتاقلك موت
ماعدت انا اقوى واتحمل غيابك
من لهفتي عيا يجاوبني الصوت
ابطيت عني لاكن الله جابك
جابك وراحت وادري ان فاتني الفوت
صدمه عظيمه جاتلي من جنابك
التوت مو هذا على خبري التوت
حتى هلابك مانطق ياهلابك
حسيت نفسي وقتها وسط تابوت
وافتر راسي ما اميّز صوابك
جيتك وانا باني على شوفك بيوت
هديتهن واخلفت منهو هقابك
والي خلق يونس وفكه من الحوت
لو به عذر كنت اعذرك من جوابك
بردك يعلمني على لبسه الكوت
بردك وناري واتبع الي غدابك
عقاب لو انه توّجد على نوت
ماهو دليل اني بحط الرجا بك
راعي الذهب لو جاب لولو وياقوت
فرّط بهن لو كنت تعطي حسابك
والموت لو انك تبي تعرف الموت
لاخاب ظن الي يبيك وهقابك





تكفا تخليني


لاقلتلك خلّني تكفا تخليني
النفس ظاقت وتعرف من مظيقها
ماني بحاجه علومك لو تسليني
بعّد عن العين واحسن لو تفارقها
لاظقت انا حتى روحي ماتدانيني
واليا هدا البال غربها وشرقها
لو كان غيرك حرام انه يحاكيني
لو كان كل الدروب البيض يطرقها
تدري...؟ وش اللي ذبحني والبلا فيني
بعرف عروق الغلا وشلون تسرقها
يمكن تكون الخيانه من شراييني
والا حظوظك يجوز الله موفقها
ماقلت لحدن سوى امي يابعد عيني
وشلون خليتني لعيونك انطقها
ياروح روحي ياقلبي يابساتيني
يابسمه العين ليه العين ترهقها
والله من زود حبك صنت رجليني
ماشفتني يوم اسوق الرجل وافهقها
انا بصفك واظّيع وانشدك ويني
وشلون لارحت جدراني اصفقها
ماتدري اني شريتك يوم تشريني
عشان حبك ابيع الخلق واحرقها
ارجوك لاشفتني ظايق تخليني
واليا هدا البال غربها وشرقها




حاتم الطي


يا حاتم الطي ليه النـاس ناسيتـك
مدري ردا منك والا الناس تعبانـه
القبر قبرك اظن البيت هـو بيتـك
ومن يجحد الحق لا صح الله لسانه
ياحاتم الطي منهو جاحدن صيتـك
كيف السفينه تجاهـل فعـل ربانـه
ياحاتم الطي شفنـي كـم تمنيتـك
محدن بكثري تمنى شـوف جدانـه
ياحاتـم الطـي ياليتـك وياليـتـك
تشوف منهو يصـك قفـول بيبانـه
لاشفـت هـذا وربـي ماتناسيتـك
منهو بمثلك ياجدي يذبـح حصانـه
لاضاقت الارض ياجدي تعزويتـك
شرواك منهو يكرم وجـه ضيفانـه
وش فيك ساكت عسى ماكون غثيتك
استغفر الله واتوب اليـه سبحانـه
كنت احسبك حي من هاللون ناديتك
والحي ذكرك تحدى الطيب وازمانه
الطيب عندك ياجـدي ماتهقويتـك
الناس خانه وطيبك صار في خانـه
وانا من احفادك الي حيـل حبيتـك
من نسل عدي مهو من نسل سفانـه
ياحاتم الطي شفنـي كـم تمنيتـك
محدن بكثري تمنى شـوف جدانـه




بقايا




الله اكبر يا ليالي مابقا غير البقايا
هي من اسبابي او انه يالليالي من سببها
الوكاد ان آخرتها صرت من ضمن الضحايا
مارضيت الا دريت بقسمتن ربي كتبها
الله اكبر الله اكبر لو تحظنت الهدايا
ذكريات وامنيات ودمعتن تغرق هدبها
قربيلي يالنصايب واقربيلي يالمنايا
واعبسيلي يالوجيه وعلموها ياعربها
علموها لو تبعّد دونها بيض النوايا
علموها لو تفكر سهلها يسبق صعبها
علموها لو تقيّم قدرها يعلو سمايا
وعلموها في طلبها آخ لو تذكر طلبها
او كلام الليل يمحى في وجودك ياضحايا
بس ابعرف يالضحى في قولها منهوغصبها
العرب قالت نصيحه لاتكثر بالهقايا
ليه.....؟ لو صدوا تشوف النفس مازادت تعبها
ماسمعتك يالنصايح واعترف هذا خطايا
الادب انها اتعذّر بس وينك يا ادبها
اهلها ماعلموها من يسوي هالسوايا
لا...لا وادخل على الله ما تكلم عن نسبها
يمكن اني كنت ظايق من كذا جاني بلايا
والا اهي ماهي بسيطه في نسبها في حسبها
بنت شيخ وكل اهلها مدهم جزل العطايا
والعذارى بالغليبه ما اظن احدن غلبها
علقتني في رجاي وقام يذبحني رجايا
علموها بشتياقي حتى مشتاق لعتبها
ذكروها بشتياقي يومها كانت معايا
وشتقول الحين فيني لو تذكرته جذبها
الله اكبر ياليالي مابقى غير البقايا
ذكريات وامنيات وقسمتن ربي كتبها








لعبة الدامـــــــــــــــــــــه


يقولون اللذي يهوى غرق واغتر بوهامه
عيونه تصدق النظره وعين الناس كذبها
يصير الزين في خله لزيم وثاني اتوامه
قمر يمشي محد يمه ديار الشين عاقبها
خفوق الي هوى شخصن عمى وانسد صمامه
عن اهروج الملا والنصح والفود وقرايبها
حقيقه قالها منهو يهيم بحب غرامه
تولع في وصوفن معجبن فيها ومعجبها
لقيته فارس احلامي لقاني فارس احلامه
لقيته نور هالدنيا لقاني من عجايبها
لقيته ريحت الدنيا لقاني اروع انسامه
لقيته فرحت الدنيا لقاني من طرايبها
لقيته اعذب اشعاري لقاني مبدع الهامه
لقيته من زلال الما لقاني من سحايبها
اقيس الوقت باللحظه اقيس وصرت رزنامه
احسب للقا وانتم تبوني ما اقاربها
لو الشيطان يتوظى يتوب ويعلن اسلامه
ولو الدنيا تهد الناس ثم تترك مصايبها
ولو ان المعتمر يسعى يطوف وتارك احرامه
واشوف القدس ماتبكي وفكت من حرايبها
بذاك الوقت كان امدى اجي واهزز الهامه
وابعد وابتعد وانظر متى تقفي ركايبها
حشى لله مستهزء يجل وتشكر انعامه
ولاكن اقصد العاذل ابي روحه يانبها
ابي يبعد ويتركني يرد اللحم لعظامه
ابي يبعد ويتركني خلاص الروح عذبها
يكسرلي مجاديفي واعيد واجمع احطامه
تعاندي عباد الله تناشبني واناشبها
اشوفه ورد ياعالم الا يازينه اللثامه
حبيبي عمري الغالي زهور الورد يجذبها
وصرت امن اللذي ناظر تفرج لعبة الدامه
يشوف اشياء ماتطري على من كان يلعبها


لحظـــه
لحظه..بودعـك قبل إنك
توادعنــي
ماني من اللي تروح ويمشـي خلافــك

لي عزة ياوليــد النــاس
تمنعني
لوقلت..مابيك تمزح.. خاطري عافك

قد قلتها لك قبل ماكنت
تسمعـني
واليوم فعلك هو اللي حطم أهدافــك

يابن الأوادم نصيحه وأخذها طعنــي
ماكل شخص يذل النفس لا شافــك

صحيح زينك في بعض أحيان شجعنــي
لكن زود الكرم زودت
بسرافــك

ماهوب أنا اللي تنزلنـي
وترفعني
لو درت في نيتك كسرت
مجدافــك

تبي الصراحه .. تصدد لاتطالعنــي
أخاف من دمعتك ولا أنت ماخافــك

ماغير واحد...ولا مخلوق
ولعنــي
الحـب يجرف ولاتختــار
جــرافك

لو قلت لحد تحب.. وقال لك يعنــي
خلــه وبعد مادام الوقت ماطافــك

أصارع النفس والدنيــــا تصارعنـي
والفرق واضـح بمغرافـي ومغرافــك

ياخــي ترى القـلـب عيا لايطاوعنـي
يابن الأوادم توكـل خاطري عافـــك










صدر الشمالي
يالجنوبي دوك صدري وهات صدرك يالجنوبي
دارت الدنيا علينا وانكتم صدر الشمالي
فاض صبري وانتهيت ومابقا الا اشق ثوبي
مال حظي وانغبنت ومال واستعدل عقالي
آه يا دبل الكبود وآه ياغبني وحوبي
وآه ياذاك الحبيب وآه ياطول الليالي
وآه منك يالليالي وآه يادوبك ودوبي
وآه ياحر الخفوق وآه يالي مايبالي
وآخ لوني ماعشقت وآخ ما تغفر ذنوبي
وآخ والا آه يعني تبترد اليوم غالي
وين قيس وين عنتر في عذابي مادروبي
ويش حبك يا كثير ويش حبك يالهلالي
اي نعم هذا انا هذا انا الي ماهقوبي
قالو ان قلبك حديد وللهوى لاما يبالي
ما هقيت الحب بلوى غلطتي واكبر عيوبي
وما اقتنعت ان القناعه كنز مايعرف الزوالي
لين صابتني رماحك بالخفوق وطعنوبي
يا الغلا ياروح قلبي يالرصيد الي بقالي
يالطريق الي مشيته دون لا احسب دروبي
يالعسل يالذة الماء ياصفا نبع الزلالي
يابعد روح المعذب ياعنا قلب العزوبي
ياقدوع الكيف ياكيف القدوع وكيف بالي
يالنفل ياريح عشبن جاء مع لفح الهبوبي
ياربيع(ن) ماظهر للناس من اول وتالي
ادري انك ذنب لاكن عن ذنوبك ما اتوبي
اي انعم بس انت وينك يا غلاي وزين فالي
لو يجيني الف حضنن غير حضنك ما اذوبي
يعلم الله غير شخصك كل شخصن ماطرالي
ياغلاي ارجع فديتك مابقا الا اشق ثوبي
ياهواي وراس مالي يالرصيد اللي بقالي
انكتم صدر الشمالي واتسع صدر الجنوبي
والعرب تضرب مثلها في سعة صدر الشمالي!!




الجيب والقرناس



الجيب والقرناس وخوة هل الطيب
تسوى مجالست الحضر فالمدينه
ماسبّهم واعرف انا مابهم عيب
بس الهوى ياهل الهوى حد لينه
عزبه وخيمه والصحاري مضاريب
والتيس من قبل الضحى صالخينه
ومعلقينه من كراعه على الجيب
والبن الاشقر تونا حامسينه
شبّت حطب ماهي بشبة عياسيب
ارطا وعرفج يمنّا حاطبينه
واليا سنت شب الجروم اللواهيب
قام المقهوي قّرب الماء بدينه
ركّب دلال مجلدات المقاظيب
بغداد من سوق الحفر جالبينه
بيضن تلالا يطعمن المشاريب
تبعد عن انفوس العباد الغبينه
واليا احتمى ماهن يشيل المراكيب
يحط كيفن بالنجر طاحنينه
فنجال ونص وردهن يمه قريب
وجاب البريج وسكره في بطينه
وحطه على صفه هذيك المهاذيب
والبن فاح وركده في سكينه
وجاب الدلال الي يعرف المواجيب
ثنتين غير الي بهن عاملينه
مجنون كيف ورتب الامر ترتيب
حط البهاروريح هيله يازينه
ثم زلهن لين استوى باخر السيب
وحطه بناره ربنا لاتهينه
وقال اقدعوا تمر حلو توّه امجيب
اخلاص من دار الحسا محظرينه
ثم صب فنجاله ومابه عذاريب
والله على الفنجال تسلم يمينه
مجربن ماهوب يحتاج تجريب
اي والله انا كلنا مجربينه
مافيه ظيف وكل ابونا معازيب
والشاي خدر والورق حاكرينه
وعقب السوالف والقهاوي مطاليب
كل يناظر للمواتر بعينه
نبي نهيّف فوق روس المراقيب
وانفّرع القرناس لاجل السمينه
اليا خطفها خطفتن بالمخاليب
تبري النفوس الضيقات الحزينه
واليا انتهى المقناص جبنا مكاسيب
والحر الاشقر عقبها مبرقعينه
ونمشي ونلقا يمّنا فطر شيب
ومفرود يطرد من ورى امه تنينه
وسط النفود ولانمر الشخانيب
نخاف من ظرب الحصى فالمكينه
ووساع صدر ونطقنا بالتراحيب
واعقولنا هي العقول الرزينه
ياليت لي دورن بغوج الاطانيب
وانسى حضارات الخراب وسنينه
اخير من طرد البنات الرعابيب
واحدن تسمّع من عذابه ونينه
ممشاي صح وخوتي للاشانيب
رجل يصد اعن المراجل ياشينه




ســفــيــر الــشــعـــر


لفــاني حلم ياصعب تعبيره
وحيرني عسى فالامـر خيــره
سوادن بالسما والبرق قبله
ومـن قو الهوى تسمع صفيره
طرالي شي واحد قلت يمكن
سنــا شعرن يطالب بتحضيره
وانا لي مــزنـة لاقلت وينك
اشـــوف بعينها دهشه وحيره
بخليها تصــب بكــــل وادي
ألين السـيل يـرعبك بهـديره
واخليها تفرع في شــغايـــا
وامشي كل سيلن مــــع محيره
واذا راحت لاجا والا لسلمى
ارددهـا قـبل مـفـرق سمـيـره
مادام ان جدنا حاتم سكنهــا
يحقـلنا الـفخـر في كل ديـره
واذا هالنور به شخصن يغطه
فــلا يقــدر على شمس الظهيره
تسمع للشعر والخافي اعظم
وشوف الوسم تــعرف مـن بعيره
انا مــاني ببـو زيــد الهلالي
ولا كـابرت مـثـل ابـن المغيره
ابن عدي الغريري لو سمحتوا
سفير من عــرب شبه الجزيره
انا بلسان اخــو مريم بجــــدد
وفانا مع محـبتنا الكـبيره
تحية سيدي صبـــــاح الاحمد
الى شعب الامـــاراتي واميره
من لسان الصباحي للفلاحي
تحية ورد يــــزها في عبيره
اذا في كــل دوله لـه سفاره
ففي لسـان الشعر انا سفـيره
انا ما يسمع الاصقه كلامي
ولا راعتني العين الضــريره
انا يفهم كلامي كل عـــــاقل
واقول الشعر لعقولن بصيره
اذا صار الشعر مافيه حكمه
فهذي تعتبر حــــاجه خطيره
ابي لامت وش اللي يتخـلـد
اذا كـانت لكل انسان ديــره
بعد موتتك تلقى شي واحــد
يـا ذكرن بالفخر والا المعيره
وكل انسان له طيحه وزلـه
ولابـــد الرجل يحكم ضمـــيره
احد غض البصر خوفن من الله
واحد عينه على بيت القصيره
ترى اللي به حيا يلقى وقــاره
ومن مـابه حيـا يلقى الحقيره
احد يصبح غني في ذل نفسه
غني لــكـن معه نفسن فقيــره
يعيش الادمي مـــاهو محصل
سوى المكتوب له بامره يستديره
وترى الرجال لو كب الجماعه
غــدى مـثل المعلم بالقـصـيره
نعم لو غزلك راســـه ضعيف
وش الرجال مـن دون العشـيره
خلقنا الله من شعوب وقبايل
وكــلن حــافظن دلــوه وبيره
وكل انسان لــه حق يتفاخر
ولكــن لا يهضم حقـــوق غيره
ترى لو تختلف فينا العوايد
بنا فـزعه بنا شيمه وغــيره
ولكن كـــل شي ولــه وقته
زمــان الجـد الاول طار طيره
مثل فزعاتنا اول في البنادق
وزرق رماح وسيوفن شطيره
لكن اليوم صارت بالرسايل
تـدز الـرقم برســاله قصيره
وانا ماجيت اجرب فعل ربعي
لهم في مضرب الفزعات سيره
طنايا لو رضينا مارضينـــا
تصـــير الاوله مـثل الاخـيره
طنايا وافخر بكــل الطنايـــا
ســوى في نجد والا فالجزيره
وسبع تنعام في كل القبايــل
وكلن يشرب المــا من غديره
ولامني طلعت بوجهن ابيض
كسبت اصداء ووجيهن سفيــره





مع السلامه


مع السلامه مابقا لك معـي شيـن
كود الغـلا لاتاخـذه لـو تكرمـت
كانك تبي بالدين خذها على الديـن
وكانك تبيها بالعقل .....?ماتندمـت
لاني عرفـت ان كلبونـا مساكيـن
ياما على حالي وحالـك ترحمـت
فكر وشوف دروب قلبك على وين
وشفيك طالع طقتـك... ماتعلمـت؟
والله صافطلك وشفـت الطريقيـن
ماني عـدوّك لـو كـذا ماتكلمـت
يابوي ربي ماقسـم بيـن الاثنيـن
وش حيلتي يامـا ويامـا تعشمـت
مبطي وانا من عام تسعه وتسعيـن
ايه اعترف عن شوف غيرك تلطمت
لا عاد لي قلبن ولاعاد لـي عيـن
ايه اعترف والعـام هـذا تفهمـت
حطيت نفسي بعدهـا بيـن قوسيـن
عرفت بأنـه حلـم لـو ماتحلمـت
نضحك على انفسنا واحبك وبعدين؟
لاعاد ترجـع للـورى ولاتقدمـت
يابـوي والله كلبـونـا مساكـيـن
مع السلامه واتركن لـو تكرمـت

    رد مع اقتباس
قديم 20-06-2009   #3
امـل مقتول
مميزة قسم الرسائل

 تاريخ التسجيل : Jun 2007
 المكان : مالك شغل ياشين اللقافه
 الجنس : انثى
 المشاركات : 2,546
 السمعه : 10

امـل مقتول غير متصل

 

افتراضي رد: سفير الشعر عبدالكريم الجباري {هنـــــــا}

 

:untitled:

ولاتكفي صفحات بقصايد هالمبدع تقبلوا مني ارق التحايا


امولـــه

    رد مع اقتباس
قديم 21-06-2009   #4
آنسه دلآل
عضو نشيط

 تاريخ التسجيل : Oct 2008
 المكان : في قلب محبيني
 الجنس : انثى
 المشاركات : 82
 السمعه : 11

آنسه دلآل غير متصل

 

افتراضي رد: سفير الشعر عبدالكريم الجباري {هنـــــــا}

 

جيتك وانا مشتاق .......مشتاقلك موت
ماعدت انا اقوى واتحمل غيابك
من لهفتي عيا يجاوبني الصوت
ابطيت عني لاكن الله جابك
جابك وراحت وادري ان فاتني الفوت
صدمه عظيمه جاتلي من جنابك
التوت مو هذا على خبري التوت
حتى هلابك مانطق ياهلابك



8

8
8



8



كلام ولااروع يعطيك
العاافيه على الاختيار الجميل دمت بود

    رد مع اقتباس
قديم 21-06-2009   #5
العذبي
خآلدالعوآدالمغري

 تاريخ التسجيل : Jan 2009
 المكان : حفر الباطن
 الجنس : ذكر
 المشاركات : 8,005
 السمعه : 3354

العذبي غير متصل

 

افتراضي رد: سفير الشعر عبدالكريم الجباري {هنـــــــا}

 

صح السان الشاعر المبدع عبدالكريم الجباري


وتسلم يمينك على النقل المميز


ولكي مني ولمجهودك الشخصي تقييم


ويثبت لمدة اربعة ايام


ولكي اطيب تحياتي وخالص تقديري













العذبي

    رد مع اقتباس
قديم 21-06-2009   #6

 تاريخ التسجيل : Jun 2009
 المكان : رفحالباطن
 الجنس : ذكر
 المشاركات : 213
 السمعه : 15

عبدالكريم فيصل الشمري غير متصل

 

افتراضي رد: سفير الشعر عبدالكريم الجباري {هنـــــــا}

 

الف شكر للامل المقتول








على هالابداع المميز



عبدالكريم الجباري شاعر يستاهل















تقبل مروري

    رد مع اقتباس
قديم 21-06-2009   #7
امـل مقتول
مميزة قسم الرسائل

 تاريخ التسجيل : Jun 2007
 المكان : مالك شغل ياشين اللقافه
 الجنس : انثى
 المشاركات : 2,546
 السمعه : 10

امـل مقتول غير متصل

 

افتراضي رد: سفير الشعر عبدالكريم الجباري {هنـــــــا}

 

.
.
.

.
.
آنسه دلآل
.
.
اختيارك الذوق لبى قايبتس تسلمين على المرور :untitled:

    رد مع اقتباس
قديم 21-06-2009   #8
امـل مقتول
مميزة قسم الرسائل

 تاريخ التسجيل : Jun 2007
 المكان : مالك شغل ياشين اللقافه
 الجنس : انثى
 المشاركات : 2,546
 السمعه : 10

امـل مقتول غير متصل

 

افتراضي رد: سفير الشعر عبدالكريم الجباري {هنـــــــا}

 

.
.
.

.
.
العذبي
تسلم على التثبيت والتقييم

    رد مع اقتباس
قديم 21-06-2009   #9
امـل مقتول
مميزة قسم الرسائل

 تاريخ التسجيل : Jun 2007
 المكان : مالك شغل ياشين اللقافه
 الجنس : انثى
 المشاركات : 2,546
 السمعه : 10

امـل مقتول غير متصل

 

افتراضي رد: سفير الشعر عبدالكريم الجباري {هنـــــــا}

 

.
.
.
الـعـذب
.
.
تسلم اخوي على المرور

    رد مع اقتباس
قديم 22-06-2009   #10

 تاريخ التسجيل : Jun 2008
 المكان : مواطن عشوائي
 الجنس : ذكر
 المشاركات : 499
 السمعه : 15

مـلـتـ شمر ــاع غير متصل

 

افتراضي رد: سفير الشعر عبدالكريم الجباري {هنـــــــا}

 

صح السان الشاعر عبدالكريم الجباري

وتسلم اديك على النقل الجميل
تقبلي مرووري

    رد مع اقتباس
قديم 22-06-2009   #11
عـبدالـلــه
كَاظِميٌ الَهّوىُ ♥
✽ - القلب غيرك مايبي لو يبونهہ ♡

الصورة الرمزية عـبدالـلــه

 تاريخ التسجيل : Jan 2008
 المكان : بلاد ما بين نهرين - بغداد
 الجنس : ذكر
 المشاركات : 12,673
 السمعه : 1150

عـبدالـلــه غير متصل

 

افتراضي رد: سفير الشعر عبدالكريم الجباري {هنـــــــا}

 

.


عبدالكريم آلجبآريْ آلشمريْ
مسآحة / عذبة / جميله / وبكل مآفيهآ
من آشعآر هذآ آلشآعر آ’لفذ من نوعة
لآهنت على هذهِ آلمسآحة آلآكثر من رائعه
للشاعر عبدالكريم
شُكراً لك يالغاليْ

    رد مع اقتباس
قديم 23-06-2009   #12
امـل مقتول
مميزة قسم الرسائل

 تاريخ التسجيل : Jun 2007
 المكان : مالك شغل ياشين اللقافه
 الجنس : انثى
 المشاركات : 2,546
 السمعه : 10

امـل مقتول غير متصل

 

افتراضي رد: سفير الشعر عبدالكريم الجباري {هنـــــــا}

 

.
.
.
مـلـتـ شمر ــاع
.
.
صح بدنك اخوي ونورت موضوعي

    رد مع اقتباس
قديم 23-06-2009   #13
امـل مقتول
مميزة قسم الرسائل

 تاريخ التسجيل : Jun 2007
 المكان : مالك شغل ياشين اللقافه
 الجنس : انثى
 المشاركات : 2,546
 السمعه : 10

امـل مقتول غير متصل

 

افتراضي رد: سفير الشعر عبدالكريم الجباري {هنـــــــا}

 

.
.
.
& جروح المقادير &
.
.
.

اقتباس:
شُكراً لك يالغاليْ

وش غاليه الله يهديك سلامه النظر




بس على العموم تسلم على المرور

    رد مع اقتباس
قديم 24-06-2009   #14
غلا العَبْدَالله
:: مراقبه المنتديات العامه والتسويق ::
أنثى..{ تَخْتَصِرُ النساء

الصورة الرمزية غلا العَبْدَالله

 تاريخ التسجيل : Jan 2009
 المكان : ::.. حكايا مشبعة بـ الدفء ..::
 الجنس : انثى
 المشاركات : 25,490
 السمعه : 27583

غلا العَبْدَالله غير متصل


الأوسمة

 

17 رد: سفير الشعر عبدالكريم الجباري {هنـــــــا}

 




الراقيه
امل مقتول

الف شكر ولاتكفي
لطرحك هذه الاختيارات الشعريه للشاعر عبد الكريم الجباري
شاعرعذب متميز بشعره واحساسه
دمت كماعهدتك

    رد مع اقتباس
قديم 25-06-2009   #15
امـل مقتول
مميزة قسم الرسائل

 تاريخ التسجيل : Jun 2007
 المكان : مالك شغل ياشين اللقافه
 الجنس : انثى
 المشاركات : 2,546
 السمعه : 10

امـل مقتول غير متصل

 

افتراضي رد: سفير الشعر عبدالكريم الجباري {هنـــــــا}

 

.
.
.
يالبى قليبتس كلتس ذووق يالغلا نورتي

    رد مع اقتباس
إضافة رد

مواقع النشر (المفضلة)

الكلمات الدلالية (Tags)
الجباري, الشعر, صـدر, عبدالكريم, {هنـــــــا}

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
حظ وتوآفيق ♥~{.. عبدالكريم الجباري .. }~♥ Rάzάn خيمة الشعر 14 18-03-2011 08:53 PM
عبد الكريم الجباري العذبي قصائد صوتيه 17 22-11-2009 07:44 PM
لاقلت لك خلني تكفى تخليني ... عبدالكريم الجباري ≈[בـwـآإيـف●~ قصائد صوتيه 24 19-08-2009 06:27 PM


الساعة الآن 03:18 AM.


Powered by vBulletin® Copyright ©2000 - 2014, Jelsoft Enterprises Ltd. ,
Search Engine Optimization by vBSEO ©2011, Crawlability, Inc.

منتديات
المواضيع والردود المنشوره في منتديات خفوق لاتمثل بالضروره الرأي الرسمي للاداره بل تمثل وجهة نظر كاتبها فقط / جميع الحقوق محفوظة © 2005 - 2013

خفايا ناقل نيوز عنبه نيوز